Mijëra qytetarë të Istogut dhe mbarë Kosova, të martën, i dhanë lamtumirën e fundit nënkryetarit të Lidhjes Demokratike të Kosovës dhe kryetarit të Istogut Fadil Ferati.

Istog, 3 shkurt - Mijëra qytetarë të Istogut dhe mbarë Kosova, më pikëllim të thellë dhe me krenari  i kanë dhënë lamtumirën e fundit Fadil Feratit, nënkryetarit të Lidhjes Demokratike të Kosovës dhe kryetarit të komunës së Istogut. Edhe në ditën e dytë kolona të mëdha të qytetarëve, të delegacioneve të shumta të institucioneve qendrore dhe komunale, të zurave diplomatike ndërkombëtare, të subjekteve politike qendrore dhe të komunave të Kosovës, përfaqësues të FSK-së, të  PK-së, të, KFOR-it, të institucineve të Bashkësisë Islame dhe Ipeshkvisë së Kosovës.

Në orën 15, para Pallatit të Kulturës “Adem Jashari”, në Istog, nën patronatin e presidentit të Kosovës, Fatmir Sejdiu, u mbajt edhe ceremonia mortore. Në këtë ceremoni mortore, kreu i vendit, Fatmir Sejdiu, tha “ Sot po e përcjellim në botën e amshuaeshme, Fadil Feratin, kryetar i Istogut dhe nënkryetar i Lidhjës Demokratike të Kosovës-së. Gjatë këtyre katër ditëve zemra e tij pushoi së rrahuri kur ne e kemi kujtuar me mall e dhembje çastet e punës sonë. Ne kemi veçuar sukseset që ai ka arritur si udhëheqës i Istogut dhe nënkryetar i LDK-së. Fadil Ferati udhëhoqi komunën e Istogut në tri mandate. Fitorja e tij e katërt është pothuajse unikate jo vetëm në këto zgjedhje, por në gjithë historikun e zgjedhjeve që ka mbajtur Kosova. Sëmundja e rëndë ia pamundësoi të mbante fushatë zgjedhore rreth konkurrencës së lirë dhe demokratike në të cilat secili kandidat përpiqet të marrë mbështetje sa më të madhe të elektoratit. Kandidimi i postit të kryetarit të komunës së Istogut pa bërë asnjë ditë fushatë është një lloj utopie, por rasti i tij ishte tjetër, i veqantë. Fadil Ferati kishte fituar besimin e qytetarëve dhe doli fitues edhe për të katërten herë ndonëse nuk arriti të paraqiste vizionin e tij për Istogun për mandatin e ri katërveçar. Fadil Ferati ishte i tabuluar ngadalë por ishte zëri i parë i qytetarëve të Istogut. Ai ishte kryetar i Istogut dhe nënkryetar i LDK-së.

Sot kur po ndahemi përfundimisht prej tij mund të theksoja pa hetizim se Fadil Ferati ishte njeriu që gëzonte njëkohësisht besimin e bashkëvendasve të tij në komunën e Istogut, por edhe të institucioneve qëndrore të Republikës së Kosovës.

Duke shikuar prapa prej punës dhe veprimtarisë së tij ai e la Istogun pa prijësin dhe Prishtinën pa një personalitet që kishte një mbështetje të fuqishme të bazës nga vinte. Kjo e bënte atë si njeri me autoritet të madh kudo. LDK dhe partitë tjera nuk kishin asnjë mjet eksekutiv në Kosovë, mirëpo ata kishin besimin e madh të qytetarëve të cilin nuk mund ta vriste asnjë lloj arme e pushtuesit të Milosheviqit. Ne u kemi shumë botxh këtyre njerëzve që sakrifikuan shumë çka për ta jetësuar ëndrrën tonë shekullore për shtetin e pavarur dhe Sovran të Kosovës, tha në fjalën e tij mortore presidenti Sejdiu. Ai u shprehu ngushlime qytetarëve të Istogut dhe të Kosovës për vdekjen e kryetarit Fadil Ferati. 

Haki Rugova, nënkryetar i komunës së Istogut, njëherit edhe nënkryetarë i Degës së LDK-së, duke folur në emër të strukturave komunale, ai vdekjen e kryetarit Ferati e ka cilësuar si humbje të madhe për Istogun dhe institucionet e saja dhe është zotuar se do të ndekin rrugën e tij. “Fadil Ferati la një bagazh të madh të një kryetari dhe të një politikani, Ne do të na mungojë përjetësisht kryetari i përjetshëm I komunës sonë,  ndërsa të gjitha premtimet e tij janë obligim yni”, tha Rugova, duke konsideruar humbjen e kryetarit Ferati si të pazëvendësueshme, posaçërisht për qytetarët dhe institucionet e Istogut.

Ndërkaq, Sami Ferati, në emër të familjes, ka falenderuar pjesëmarrësit e ceremonisë mortore si dhe të gjithë ata që në forma të ndryshme ndanë dhimbjën më ta.

Furnerali i të njerit, Ferati është nisur drejtë vendlindjes, ku edhe është varrosur në varrezat e vendlindjës, në Gurrakoc të Istogut.  Mbi varrin e tw ndjerit u vun shumë kurora lulesh

I nderi Ferati kishtë ndërruar jetë të shtunën, më 30 janar të këtij viti, në moshën 50 vjeçare, në një spital të Gjermanisë. Pas vetës la bashkëshortën dhe tre fëmijë.

Sylejman Muriqi

Presidenit Fatmir Sejdiu duke folur për jetën dhe vepren e Kryetarit Fadil Ferati

Haki Rugova,duke folur në emër te strukturave komunale ne ceremonin mortore

Perfaqesues te shumtë te institucioneve vendore e nderkombtare ne ceremonin mortore

Sami Ferati në emer të familjes ka falenderuar pjesmarrësit për nderimin dhe rrespektin e bërë kryetarit Fadil Feratit

Fadil Ferati kryetar i përjetshëm i komunës së Istogut

Kreu i shtetit Fatmir Sejdiu me delegacionin arrin ne ceremonin mortore

Kolona qytetaresh pa ndërprerë arrijnë për ti dhënë lamtumirën e fundit kryetarit Ferati

Lum qytetaresh arrijnë për ti dhënë lmtumirën e fundit kryetari te tyre të perjetshem Ferati

Familja e të ndjerit Fadil Ferati, kryetar i perjetshem i komunes së Istogut

Funerali me trupin e pajetë të kryetarit Ferati, nga Shtepia e kulturës, niset për tu varrosur në varrezat e vendlindjes se Fadil Feratit